Uppskriftir

Vinsæla risasækju lokan

,,Hér er svo uppskriftin af risarækju lokunni sem þið VERÐIÐ AÐ PRÓFA! Hjálpi mér allir heilagir hvað þetta var gott 🤭🤤🤤 ( og miklu einfaldara en ég bjóst við!)“

 

Rakel María

Rækjurnar

  • Argentínskar rækjur frá Norðanfiski
  • Chili crisp
  • Ólífuolía
  • Salt og pipar

Brauðið

  • Brioche Pretzel brauð
  • Bráðið smjör til að pensla

Hvítlaukssósa

  • 1 dl majónes (eða grísk jógúrt)
  • 1–2 hvítlauksrif, pressuð
  • Safi úr ½ sítrónu
  • Salt og pipar eftir smekk

Einnig má nota tilbúna sósu, t.d. Hellmann's Roasted Garlic Mayo.


Döðlusalsa

  • Döðlur, smátt saxaðar
  • Smátt saxaður rauðlaukur
  • Smá ólífuolía
  • Salt
  • Chili crisp eftir smekk

Álegg

  • Steiktur laukur
  • Graslaukur, smátt saxaður
  • Rifinn Feykir ostur frá MS
  • Fínt rifinn sítrónubörkur

Grillað brioche pretzel brauð með argentískum rækjum, döðlusalsa og sítrónuosti

Aðferð

  1. Marineraðu rækjurnar í chili crisp og smá ólífuolíu. Grillaðu þær á spjóti eða steiktu á pönnu þar til þær eru eldaðar í gegn.
  2. Penslaðu brioche pretzel brauðin með bráðnu smjöri og grillaðu eða steiktu létt á báðum hliðum þar til þau verða gullin og stökk að utan.
  3. Hrærið saman hráefnum í hvítlaukssósuna eða notið tilbúna hvítlauksmajónes-sósu.
  4. Blandið saman döðlum, rauðlauk, ólífuolíu, salti og chili crisp til að útbúa döðlusalsa.
  5. Blandið steiktum lauk og graslauk saman í skál.
  6. Blandið rifnum Feyki osti saman við rifinn sítrónubörk.

Samsetning

  1. Smyrjið brauðið vel með hvítlaukssósunni.
  2. Dreifið döðlusalsa yfir.
  3. Leggið rækjurnar ofan á.
  4. Stráið lauk- og graslauksblöndunni yfir.
  5. Ljúkið svo verkinu með ríkulegu lagi af sítrónuostinum.
  6. Berið fram strax á meðan brauðið er volgt og rækjurnar safaríkar. 🌶️🍋🦐